चितवन ।  पूर्वी नवलपरासीका दुई जना कोरोना भाइरस संक्रमित बिरामीको निधन भएको छ । उनीहरु होम आइसोलसनमा बस्दै आएका आएका थिए ।

गैंडाकोट नगरपालिका वडा नं. २ की ७७ वर्षीया महिला र कावासोती नगरपालिका वडा नं. ६ का ६७ वर्षीय पुरुषको शनिबार वहान मृत्यु भएको जिल्ला स्वास्थ्य कार्यालयले जनाएको छ ।

र दुवै जनाको सुरक्षा निकाय, जनप्रतिनिधि र स्वास्थ्यकर्मीको निगरानीमा घर परिवारले नै दाहसंस्कार गर्ने तयारी भैरहेको छ ।

यता चितवनमा थप ३२ जनामा कोरोना भाइरस संक्रमण पुष्टि भएको छ । भरतपुर अस्पताल कोभिड–१९ परीक्षण प्रयोगशालामा गरिएको परीक्षणमा चितवनका २५ जनासहित ३२ जनामा संक्रमण पुष्टि भएको हो ।