काठमाडौं । राष्ट्रपतिको कार्यालय शितल निवासले सञ्चालनमा ल्याएको ट्वीटर अकाउन्ट बन्द भएको छ । विद्यादेवी भण्डारीसँग सम्बन्धित सूचनाहरू प्रवाह गर्न कार्यालयले शितल निवास @SHITALNIWAS नामबाट ट्विटर अकाउन्ट सञ्चालनमा ल्याएको थियो।

राष्ट्रपतिका सञ्चार विज्ञ टिका ढकालले अकाउन्टमाथि दुई देखि तीन पटक साइबर हमला भएको र त्यो अकाउन्ट भेरिफाइ गर्दा राखिएको आइडेन्टिटी र इन्फरमेसन बाहिरिने आशंका भएकाले अकाउन्ट बन्द गरिएको बताए ।

राष्ट्रपतिको प्रेस सचिवालयले सञ्चालन गर्ने गरी चलाइएको अकाउन्टबाट सेयर भएका केही सामग्री विवादीत भएका थिए। एउटा अनलाइन पोर्टलको समाचार सेयर गरिएपछि धेरैले त्यस विषयमा प्रश्न उठाएका थिए।