कांग्रेसले दसैँलगत्तै सरकारविरुद्ध आन्दोलन गर्ने, काेराेना नियत्रणमा गम्भीर नभएको आरोप::Best Online News Portal of Nepal

कांग्रेसले दसैँलगत्तै सरकारविरुद्ध आन्दोलन गर्ने, काेराेना नियत्रणमा गम्भीर नभएको आरोप

कांग्रेसले दसैँलगत्तै सरकारविरुद्ध आन्दोलन गर्ने, काेराेना नियत्रणमा गम्भीर नभएको आरोप

अनलाइन नेपाल
  • शुक्रबार, असोज ३० २०७७

  • 931
    SHARES

  • कांग्रेसले दसैँलगत्तै सरकारविरुद्ध आन्दोलन गर्ने, काेराेना नियत्रणमा गम्भीर नभएको आरोप

    काठमाडौं । नेपाली कांगेसका सभापति शेरबहादुर देउवाले काेराेना भाइरस रोकथाम तथा नियत्रणमा सरकार गम्भीर नभएको भन्दै दसैँ लगत्तै विरोधका कार्यक्रम गर्ने बताएका छन् ।

    कांगेसले गठन गरेको कोभिड-१९ सम्बन्धी अनुगमन समितिले तयार पारेको प्रतिवेदन बुझेपछि सभापति देउवाले दसैं लगत्तै संसदभित्र र बाहिर देशैभर सशक्त विरोध कार्यक्रम गर्ने बताए ।

    कोभिड १९ संक्रमणबाट जनताको जीवन बचाउन सरकार जिम्मेवार नबन्दा संक्रमण महामारीको रुपमा फैलिएको उनले बताए । सरकार संक्रमण रोकथाम तथा नियन्त्रणका लागि काम गर्नभन्दा पनि भ्रष्टाचार गर्नमा तल्लिन रहेको पनि सभापति देउवाको आरोप छ ।

    औषधिको व्यवस्था, क्वारेन्टाइन, आइसोलेसन, अक्सिजन, भेन्टिलेटर लगायतको व्यवस्था गरी उपचार गर्नु सरकारको कर्तव्य भएको तर कुनैपनि काम जिम्मेवारीपूर्वक नगरेको बताए ।

    नेपाली काँग्रेसका सहमहामन्त्री एवं कोभिड १९ अनुगमन समितिका संयोजक प्रकाशसरण महतले सरकार नागरिकको स्वास्थ्य सुरक्षा र दैनिक जिवनमा परेको आर्थिक सामाजिक कठिनाइप्रति संवेदनशिल नभएको बताए ।

    उनले सरकारलाई जिम्मेवार बनेर काम गर्न समेत माग गरे । कोभिड १९ का कारण नागरिक समस्यामा परेको भन्दै उद्दार र राहतको सुमचित व्यवस्था गर्न र देशको अर्थतन्त्रलाई बचाउन समेत माग गरे ।

    सम्बन्धित विषय

    अनलाइन नेपालमा प्रकाशित समाचारको बारेमा कुनै प्रतिक्रिया, सुझाव तथा सूचना दिनुपरेमा [email protected] मा पठाउनुहोला । निरन्तर समाचारको लागी हामीसँग फेशबुक तथा ट्वीटरमा जोडिन सक्नुहुनेछ ।

    प्रतिक्रिया

    सम्बन्धित समाचार