काठमाडाैं । सर्वोच्च अदालतले पीसीआर परीक्षण नि:शुल्क गर्न सरकारका नाममा परमादेश जारी गरेको छ ।

न्यायाधीशद्वय डा. आनन्दमोहन भट्टराई र टङ्कबहादुर मोक्तानको संयुक्त इजलासले कोरोना भाइरसकाे संक्रमण पत्ता लगाउँन गरिने पीसीआर परीक्षण नि:शुल्क गर्न परमादेश दिएको हो ।

अधिवक्ताद्वय केशरजंग केसी र अधिवक्ता लोकेन्द्र वलीले पीसीआर परीक्षण निशुल्क गरिनुपर्छ, यो मौलिक हक भएको भन्दै अदालतमा रिट दायर गरेका थिए ।

रिटको पक्षमा वरिष्ठ अधिवक्ताद्वय डा. सुरेन्द्र भण्डारी र चन्द्रकान्त ज्ञवाली, अधिवक्ताहरू पंकजकुमार कर्ण, कीर्तिनाथ शर्मा पौडेल, डा. शिव यादव, सन्तोष भण्डारी र जनक साउदले बहस गरेका थिए ।