काठमाडाैं । काठमाडौं उपत्यकामा शुक्रबार थप ८५९ जनामा कोरोना संक्रमण पुष्टि भएकाे छ ।

उपत्यकाको काठमाडौंमा ६९८ जना, ललितपुरमा ७९ जना र भक्तपुर जिल्लामा ८२ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ ।

यस्तै नेपालमा शुक्रबार अहिलेसम्म कै बढी थप २ हजार २० जनामा काेराेना भाइरस संक्रमण पुष्टि भएको छ ।

शुक्रबारकाे नियमित प्रेस ब्रिफिङमा स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमले पछिल्लो २४ घण्टामा देशभर २ हजार २० जनामा काेराेना भाइरसकाे संक्रमण पुष्टि भएकाे जानकारी दिए ।

याेसँगै नेपालमा काेराेना संक्रमितको कुल संख्या ६१ हजार ५९३ पुगेको मन्त्रालयले जनाएकाे छ ।