काठमाडौं । धरानमा दुई र चितवनमा १ गरी ३ जना कोरोना भाइरस संक्रमित बिरामीको अहिले बिहान मृत्‍यु भएको छ। धरानस्थित बीपी कोइराला स्वास्थ्य विज्ञान प्रतिष्ठानमा दुई जना कोरोना संक्रमितको मृत्यु भएको हो ।

झापाको दमक–३ घर भएका ८३ वर्षीय पुरुष र मोरङको बेलबारी–५ की ५६ वर्षीया महिलाको मृत्यु भएको हो । दुबै जना अत्यधिक खोकी, ज्वरो र श्वासप्रश्वासबाट समस्याग्रस्त थिए। त्यस्तै,उपचाररत कोरोना संक्रमित एक जनाको चितवन मेडिकल कलेजमा मृत्यु भएको छ ।

हेटौंडा उपमहानगरपालिका १९ कि ७१ वर्षीया महिलाको आज विहान मृत्यु भएको कलेजले जनाएको छ। दम र निमोनिया पीडित उनलाई ७ गते  मेडिकल कलेजमा उपचारका लागि ल्याइएको र परीक्षण गराउँदा कोरोना पोजेटिभ देखिएको थियो ।

अहिले कलेजको आईसीयूमा २० जना उपचाररत छन् । तीमध्ये ३ जनाको भेन्टिलेटरमा राखेर उपचार भइरहेको कलेजका निर्देशक डा. दयराम लम्सालले वताए ।