काठमाडौं ।उपत्यकामा पछिल्लो २४ घन्टामा थप ३७७ जनामा कोरोना संक्रमण देखिएको छ ।

स्वास्थ्य मन्त्रालयद्वारा नियमित आयोजना गरिँदै आएको कोरोना अपडेटमा मन्त्रालयका प्रवक्ता डा. जागेश्वर गौतमले उक्त कुरा बताएका हुन् ।

गौतमका अनुसार पछिल्लो काठमाडौं जिल्लामा पछिल्लो २४ घन्टामा २७० जनामा कोरोना संक्रमण देखिएको हो । त्यस्तै ललितपुर र भक्तपुरमा क्रमशः ६६ र ४१ जनामा संक्रमण देखिएको हो ।

यससँगै नेपालमा पछिल्लो २४ घन्टामा ८ सय ८५ जना संक्रमित थपिएका छन् । यससँगै नेपालमा हालसम्म ३५ हजार ५ सय २९ जना संक्रमित पुगेका छन् ।