पर्सा। राष्ट्रिय जनस्वास्थ्य प्रयोगशाला, टेकुमा गरिएको परीक्षणमा पर्साका थप ९२ जनामा कोरोना संक्रमण पुष्टि भएको छ ।

नारायणी अस्पतालका मेसु डा. मदन उपाध्यायका अनुसार संक्रमण पुष्टि हुनेमा ७ वर्षका बालकदेखि ७६ वर्षसम्मका वृद्धसम्म रहेका छन् ।

नारायणी अस्पतालको प्रयोगशालामा पिसिआर किट्स अभाव भएपछि ११ सयभन्दा बढी स्वाब नमुना राष्ट्रिय जनस्वास्थ्य प्रयोगशाला, टेकु टेकु पठाइएको हो ।

कोरोना पुष्टि हुनेमा वीरगन्ज महानगरपालिकाका ३८ जनामा ,पोखरिया नगरपालिकाका नगरप्रमुखसहित ३३ जनामा, जगरनाथपुर गाउँपालिकामा १५ जनामा र सखुवाप्रसौनी गाउँपालिकामा ६ जना रहेको अस्पतालले जनाएको छ ।

साउनमा मात्रै पर्सामा एकहजार एकसय ५४ जना कोरोना संक्रमित थपिएको अस्पतालको भनाइ छ ।