काठमाडाैं । नेपाली सेनाका प्रधानसेनापति पूर्णचन्द्र थापाले उपरथीमा बढुवा भएका सहायक रथी विज्ञानदेव पाण्डेलाई दर्ज्यानी चिन्ह प्रदान गरेका छन् । प्रधानसेनापति थापाले आज जंगी अड्डामा एक कार्यक्रमकाबीच उपरथी पाण्डेलाई दर्ज्यानी चिन्ह प्रदान गरेका हुन् ।

बढुवा भएसँगै उपरथी पाण्डेलाई उत्तर पश्चिम पृतना हेडक्वार्टरको पृतनापतिको जिम्मा दिइएको नेपाली सेनाले जनाएको छ । यसभन्दा अगाडी उपरथी पाण्डे नेपाली सेनाका प्रवक्ता रुपमा सैनिक जनसम्पर्क निर्देशनालयमा कार्यरत थिए ।