काठमाडाैं । २ नम्बर प्रदेश प्रहरी कार्यालय जनकपुरले आचरण विपरीत काम गरेको भन्दै २७५ जना प्रहरी कर्मचारीलाई विभागीय कारबाही गरेकाे छ । भारतीय सिमासँग जोडिएको कारण भारतबाट अबैध रुपमा सामानको ओसार पसार हुने लगायत प्रहरीको आचरणविरुद्ध काम गरेका प्रहरी कर्मचारीहरुलाई कारवाही गरिएको २ नम्बर प्रदेश प्रहरी कार्यालय जनकपुरका प्रमुख प्रहरी नायव महानिरीक्षक (डिआईजी) धिरज प्रताप सिंहले जानकारी दिए ।

आर्थिक वर्ष २०७६/०७७ मा प्रदेश २ का विभिन्न कार्यालयमा प्रहरीको आचरण विरुद्ध काम गरेका २७५ जना प्रहरीलाई कारवाही गरिएको । साथै ९८५ जना जना प्रहरी कर्मचारीलाई पुरस्कृत गरिएको डिआईजी सिंहले बताए ।

प्रहरीको नैतिक आचरणको विपरीत काम गरेका, आर्थिक प्रलोभनमा तस्करहरुलाई सघाएका, मादक पदार्थ सेवन गरेर डयुटी गरेका, संगठनप्रति जिम्मेवार नहुनु र कर्तव्य पूरा नगर्नु लगायत अमर्यादित क्रियाकलाप गरेको प्रहरी कर्मचारीलाई कारवाही गरिएको उनले बताए ।