काठमाडौं । लकडाउनका बेला पैसा नै राखेर बाजी राखेर लुडो खेल्न ७ जना पक्राउ परेका छन् ।

काठमाडौं-१४, सुनारगाउँमा राजकुमार कार्कीको घरमा लुडो खेल्ने र खेलाउने गरेको अभियोगमा उनीहरुलाई पक्राउ गरिएको हो । कार्कीले पाँच हजार रुपैयाँ लिएर लुडोको बाजी खेलाउने गरेको पाइएको जनाइएको छ ।उनीहरुले ३५ हजार रुपैयाँसम्मको बाजी खेल्ने गरेको पाइएको छ ।

उनीहरुको साथबाट ८७ हजार ५० हजार रुपैयाँ पनि बरामद भएको महानगरीय प्रहरी वृत्त, कालीमाटीका डीएसपी रुगम कुँवरले बताए । कुँवरका अनुसार पक्राउ परेका सबै जनाविरूद्ध जुवा ऐनअनुसार म्याद थप गरेर विस्तृत अनुसन्धान थाल्ने तयारी छ । समय व्यतीत गर्न सामान्यरुपमा लुडो खेल्नु नौलो कुरा होइन । तर, पैसा नै राखेर बाजी खेल्न थालेको पाइएपछि प्रहरीले उनीहरूलाइ पक्राउ गरेकाे हाे।