काठमाडौं । धनुषामा रकम लुटिएको नाटक गर्ने तीनजनालाई प्रहरीले पक्राउ गरेको छ । पक्राउ पर्नेमा धनुषाको कमला नगरपालिका २ का २० वर्षीय धिरजकुमार अधिकारी, शहीदनगर नगरपालिका–७ ताराटोलका २१ वर्षीय सुजित मण्डल र जनकपुर उपमहानगरपालिका–१६ का २१ वर्षीय छोटु झा रहेका छन् ।

प्रहरीका अनुसार पक्राउ परेकामध्ये अधिकारी यदुकोहास्थित मोटरसाइकल शोरुमका कर्मचारी हुन् । शोरुमले बैङ्कमा जम्मा गर्न पठाएको रकम मण्डल र झासँगको आपसी सहमतिमा लुटपाट भएको नाटक गरेर भागबण्डा गर्ने योजना बनाएको खुलेको छ ।

अधिकारीले टीभीएस शोरुम यदुकुहाबाट जनकपुरस्थित बैंकमा राख्नको लागि ३ लाख ७६ हजार रुपैयाँ ज १० प ९७ नम्बरको मोटरसाइकलमा लिएर आइरहेका थिए । र बाटोबाटै रकम लुटिएको भनि प्रहरीलाई जानकारी दिए थिए ।