काठमाडाैं । नेपालमा पछिल्लाे २४ घण्टामा १५० जनामा काेराेना संक्रमण पुष्टि भएकाे छ । याे संगै नेपालमा काेराेना संक्रमण हुनेकाे संख्या १७ हजार ९९४ पुगेकाे स्वास्थ्य तथा जनसंख्या मन्त्रालयले जनाएकाे छ । तर पाँच हजार पाँच सय १७ जना मात्रै एक्टिभ केस रहेकाे मन्त्रालयले जनाएकाे छ ।

मन्त्रालयको नियमित मिडिया ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा बितेको २४ घण्टामा १५० जनामा कोरोना भाइरसको संक्रमण पुष्टि भएको जानकारी दिए ।

नेपालमा अहिलेसम्म कोरोना भाइरस संक्रमणका कारण ४० जनाको मृत्यु भएको छ । पछिल्लो २४ घण्टामा थप ६०९ जना कोरोना संक्रमणमुक्त भएसँगै कोरोना संक्रमणमुक्त भई अस्पतालबाट डिस्चार्ज हुनेको संख्या १२ हजार ४७७ पुगेको छ ।