काठमाडौं । नेपालमा आईतबारसम्म कोरोना संक्रमितको संख्या १७ हजार ६५८ पुगेको छ । तर ‘एक्टिभ केस’ अर्थात् उपचाररत संक्रमितको संख्या ५ हजार ९२३ जना मात्रै रहेको स्वास्थ्य तथा जनसंख्या मन्त्रालयले जनाएको छ ।

नियमित मिडिया ब्रिफिङमा मन्त्रालयका प्रवक्ता प्रा. डा. जागेश्वर गौतमले दिएका जानकारी अनुसार ११ हजार ६९५ अर्थात ६६.२४ प्रतिशत कोरोना संक्रमित निको भएर घर फर्केका छन् । जसमध्ये ४० जनाको मृत्यु भएको छ । त्यसैले अहिले नेपालमा ५ हजार ९२३ जना मात्रै ‘एक्टिभ केस’ रहेको मन्त्रालयले जनाएको छ ।

जसमध्ये प्रदेश नम्बर १ मा ७९, प्रदेश २ मा १ हजार ८ सय ८६, बाग्मती प्रदेशमा ४१०, गण्डकी प्रदेशमा ४२८, प्रदेश ५ मा ४४७, कर्णाली प्रदेशमा २९६ जना र सुदूरपश्चिम प्रदेशमा २ हजार ३ सय ७७ जना रहेका छन् ।