एजेन्सी । बलिउड नायिका कट्रिना कैफले आज आफ्नो ३७ औं जन्मदिन मनाइरहेकी छिन् । कोभिडका कारण उनले आफ्नो जन्मदिन बलिउडकर्मीसँग भने सेलिव्रेशन गर्ने छैनन् ।

सामाजिक संजालमा उनलाई जन्मदिनको शुभकामना प्राप्त भैरहेको छ । नायक अमिताभ बच्चनसँग चलचित्र ‘बूम’मा काम गरेर बलिउडमा प्रवेश गरेकी यी सुन्दरी अहिले करिअर पुरानै लयमा फर्काउने धुनमा छिन् ।

बलिउडमा नायिका कट्रिना कैफको यात्रा सुखद मानिन्छ । साहरुख खान, सलमान खान, आमिर खान जस्ता कलाकारसँग काम गरिसकेकी यी सुन्दरीलाई दर्शकले निकै रुचाएका पनि छन्।

कट्रिनाले अभिनय गरेको चलचित्र ‘भारत’ गतबर्ष रिलिज भएको थियो । बक्स अफिसमा राम्रो कमाई गरेको यो चलचित्रमा कट्रिना नायक सलमान खानको जोडीको रुपमा देखिएकी छिन् । कट्रिना अभिनित ‘टाइगर जिन्दा हे, एक था टाइगर, बैंग बैंग, धुम ३, जब तक हे जान, जिन्दगी ना मिलेगी दोबरा’ जस्ता चलचित्र हिट मानिन्छन् ।