मस्को । रुसको सेचनोव विश्वविद्यालयले कोरोना भाइरस (कोभिड(१९) विरुद्धको खोप पत्ता लागेको दाबी गरेको छ ।

विश्वविधालयका प्रमुख अनुसन्धानकर्ता इलिना स्मोलयारचुकलाई उद्धृत गर्दै खोपको परीक्षण सफल भएको र खोप प्रभावकारी देखिएको रुसस्थित तास मिडियाले जनाएको छ ।

‘सोध पूरा भएको छ र यसबाट खोप पूर्ण रुपमा सुरक्षित रहेको पनि प्रमाणित भएको छ,’ इलिनाले भनेकी छिन् । खोप परीक्षण गरिएका स्वयंसेवकहरुलाई १५ जुलाईदेखि २० जुलाईसम्ममा डिस्चार्ज गरिनेछ ।

विश्वविद्यालयले जुन १८ मा १८ जना स्वयंसेवकलाई खोप लगाएको थियो भने २३ जुनमा अन्य २० जनाको समूहमा परीक्षण गरेको थियो ।