पटक–पटक कुटपिट सहेको भनिएका नवराजले जस्तो परिस्थितिको सामना गरेर भएपनि ती युवतीप्रतिको प्रेमलाई सार्थक तुल्याउन खोज्नु नै उनको मृत्युको कारक बनेको प्रष्ट भएको छ । उनीहरूको अंकुराई रहेको प्रेममा बाधक बनेको छ, त्यही जात, जसले रगत, सीप र श्रम चलाउँछ तर पानी चलाउँदैन ।

पूर्वगृहमन्त्री जस्तो जिम्मेवार व्यक्ति यस्तो घटनामा मुछिनु जायज हुन सक्दैन । शर्माले आफ्नो भोट र आफ्ना कार्यकर्ता बचाउने नाममा ५/६ जना व्यक्तिको ज्यान लिने ‘अपराधी’लाई उन्मुक्ति दिने दुस्साहस गर्नुभन्दा पनि सजाय दिने हिम्मत राख्नुपर्छ ।