काठमाडौं । पर्यटन क्षेत्रको पुनःस्थापनाका लागि सरकारले १ अर्ब २६ करोड बजेट विनियोजन गरेको छ ।

अर्थमन्त्री डा. युवराज खतिवडाले आगामी आर्थिक वर्ष २०७७/७८ को बजेट सार्वजनिक गर्दै कोरोनाका कारण प्रभावित भएको पर्यटन क्षेत्रको पुनःउत्थानका लागि विशेष पहल गर्ने बताए ।

कोरोनाका कारण चैतयता पर्यटन क्षेत्र ठप्प छ । पर्यटन क्षेत्रलाई सबैभन्दा बढी रोजगारी सिर्जना हुने क्षेत्र मानिन्छ ।