काठमाडौं । बूढानीलकण्ठ नगरपालिका-१२ स्थित तेञ्जिङ चोकमा बसोबास गर्ने १८ वर्षीया युवतीको कोरोना परीक्षण रिपोर्ट पोजेटिभ आएपछि उक्त क्षेत्र सिल गरिएको छ।

तारकेश्वर नगरपालिकामा भने प्रवेश निषेध गरिएको छ । संक्रमित युवती सर्लाही रामनगरकी हुन् भने नलाई अहिले शुक्रराज ट्रपिकल तथा सरुवारोग अस्पताल टेकुको आइसोलेसनमा राखिएको छ ।

युवतीको सम्पर्कमा आएका १५ जनाको पनि पीसीआर परीक्षण गरिएको छ ।

तारकेश्वर नगरपालिकाले अनुमतिविना अपरिचित व्यक्ति र सवारी साधनलाई प्रवेश निषेध गर्ने भएको छ । उक्त क्षेत्रमा राहत वितरण र खाना खुवाउने कार्य स्थगित गरिएको छ ।