काठमाडौं । त्रिवि शिक्षण अस्पताल(टिचिङ) मा भर्ना भएकी बालिकामा कोरोना संक्रमण पुष्टि भएपछि बालिकाको सम्पर्कमा आएका स्वास्थ्यकर्मीहरूकाे खोजी कार्य सुरू भएको छ ।

बालिकाको सम्पर्कमा भएका डाक्टर तथा नर्सको पहिचान गर्न टोली बिहानैदेखि परिचालन गरिएकाे इपिडिमियोलोजी तथा रोग नियन्त्रण महाशाखाका प्रमुख डाक्टर बासुदेव पाण्डेले बताए ।

‘बिहान ९ बजे नै हाम्रो टोली कन्ट्रयाक ट्रेसिङका लागि टिचिङ गइसकेको थियो । त्यहा कन्ट्रयाक ट्रेसिङको काम भइसकेको छ । अब कपिलवस्तुमा उनको घर वरपरका स्थानीयमा कन्ट्रयाक ट्रेसिङको काम बाँकी छ।’,उनले भने।अस्पतालमा उपचारको क्रममा बालिकाको सम्पर्कमा आएका डाक्टर तथा नर्सलाई क्वारेन्टाइनमा राखेर कोरोना परीक्षण गरिने डा पाण्डेले जानकारी दिए ।