काठमाडौं । आज विहान कोरोना संक्रमणको पुष्टि भएकी ६ वर्षिया बालिका त्रिवि शिक्षण अस्पतालको न्यूरो सर्जरी वार्डमा भर्ना रहेको खुलेको छ ।

‘रेस्पिरेटोरी प्यापिलोम्याटोसिस’ (स्वासनलीमा मासु पलाएको) देखिएका कारण शल्यक्रिया गर्नु अगाडि गरिएको पीसीआर परीक्षणमा कोरोना पोजिटिभ रहेको अस्पताल स्रोतले जनाएको छ ।

बालिकामा कोरोना पोजिटिभ देखिएपछि अहिलेलाई सील गरिएको छ भने त्यहाँ कार्यरत चिकित्सक, स्वास्थ्यकर्मी, कर्मचारी, अन्य बिरामी तथा तिनका कुरुवाहरु त्रसित भएका छन् ।

अहिले बाहिरबाट कर्मचारी र स्वास्थ्यकर्मी बाहेकलाई अस्पतालभित्र प्रवेशमा रोक लगाइएको छ । यद्यपी स्वास्थ्य तथा जनसंख्या मन्त्रालयले भने ती बिरामीको कोरोना रिपोर्ट अझै सार्वजनिक गरेको छैन ।

ति बालिका कहाँकी हुन् भन्ने अझै खुलाइएको छैन । उनलाई वैशाख ३० गते भर्ना गरिएको त्रिवि अस्पताल स्रोतले जानाएको छ ।