काठमाडौं । चिनियाँ जनमुक्ति सेनाले नेपाली सेनालाई ५ मिलियन चिनिया युआन बराबरको स्वास्थ्य सामाग्री हस्तान्तरण गरेको छ ।

विश्वभर महामारीको रुपमा फैलिएको नोबले कोरोना कोभिड– १९) भाइरस संग जुझ्न उपलब्ध गराएका स्वास्थ्य सामग्री चीनियाँ राजदूत होउ यान्छीले आजै जंगी अड्डामा प्रधानसेनापति पूर्णचन्द्र थापालाई हस्तान्तरण गरेकी छन् ।

चिनियाँ वायु सेनाको विमानले आजै उक्त सामान काठमाडौं ल्याएको थियो ।

चीनले नेपाली सेनालाई उपलब्ध गराएको सामानमा पिपिई, एन ९५ मास्क, कोरोनाभाइरसको परीक्षणमा प्रयोग हुने रसायन र अस्पतालका बेड, गगल्सलगायतका अन्य विभिन्न मेडिकल सामाग्रीहरु रहेको जंगी अड्डाले जनाएको छ ।