उदयपुर । व्यवसायी पवन मुन्डरा थुनामुक्त भएका छन् । म्याद गुज्रिएकाे मैदा बेचेकाे आरोपमा पक्राउ परेका व्यवसायी पवन मुन्डरा ३ लाख धरौटी बुझाएर थुनामुक्त भएका हुन् ।

बजार अनुगमन टाेलीले लहान-५ मा रहेकाे मुन्डाराकाे गाेदामबाट ट्रकमा लाेड गरिरहेकाे अवस्थामा म्याद गुज्रिएकाे १४ सय किलाे मैदा फेला पारेपछि २१ वैशाखमा उनी पक्राउ परेका थिए ।

उनै मुन्डरा जिल्ला प्रशासन कार्यालय सिरहामा ३ लाख रूपैयाँ धराैटी बुझाएर छुटेका हुन् ।

वीरगन्ज खाद्य उद्योग प्रालि परवानीपुर पर्सा नेपालकाे राजहंस ब्रान्ड उच्चस्तरको तथा आधुनिक मेसिनबाट उत्पादित भनिएको मैदा तीन महिना पहिले म्याद गुज्रिएको पाइएकाे थियाे ।