काठमाडाैँ । अस्ट्रेलियामा एक नेपाली युवामा कोरोनाको संक्रमण देखिएकाे छ।

नेपालबाट अस्ट्रेलिया गएका ती युवामा कोरोनाको संक्रमण देखिएपछि विशेष सर्तकता अपनाइएकाे छ। अस्ट्रेलियाको तास्मानिया पुगेका युवामा ती युवाकाे परिचय भने गोप्य राखिएको छ ।

२० वर्षका ती युवक गत फेव्रवरी २६ मा सिंगापुर र सिड्नी हुदै तास्मानिया पुगेका थिए । शनिवार ती युवकमा कोरोना संक्रमण भएको रिपोर्ट आएको हो ।

उनको रोयल होवार्ट अस्पतालमा आईसोलेसनमा राखेर उपचार भईरहेको छ । तास्मानियाको जनस्वास्थ्य सेवाका अधिकारीले नेपालबाट आएका ती युवालाई आइसोलेसनमा बस्न आग्रह गरिएको भए पनि उनले त्यसलाई अस्वीकार गरेका थिए । तर बिरामी परेका उनको नमूना परीक्षण गर्दा कोरोनाको संक्रमण पुष्टि भएको हो ।