काठमाडौं । कोरोनाबाट अतिप्रभावित मुलुकबाट नेपाल आउन चाहने नागरिकले अब अनअराइभल भिसा नपाउने भएका छन्।

नेपालले विभिन्न ५ मुलुकका लागि अनअराइभल भिसा बन्द गर्ने निर्णय गरेसंगै उनीहरुले अब अनअराइभल भिसा नपाउने भएका हुन ।

आगामी ६ मार्चबाट लागु हुने गरी मार्च महिनाभर कोरोनाबाट अतिप्रभावित मुलुकबाट नेपाल आउन चाहने नागरिकले अब अनअराइभल भिसा नपाउने भएका हुन् ।  दक्षिण कोरिया, जापान, इरान, चीन र इटालीका नागरिकलाई सरकारले अनअराइभल भिषा बन्द गर्ने निर्णय गरेको छ ।

चीनको वुहानबाट शुरु भएको कोरोना भाइरस (कोभिड–१९) विश्वका झण्डै १ सय देशमा फैलिएको छ । जसका कारण हालसम्म ३ हजार ५३ जनाको को मृत्यु भइरहेको छ भने ८८ हजारभन्दा बढी संक्रमित बनेको तथ्यांक सार्वजनिक भएको छ ।