काठमाडौं । नेपाल राष्ट्रिय क्रिकेट टोलीका प्रतिभावान खेलाडी सन्दिप लामिछाने आसन्न टी-२० बिग बास लिग (बीबीएल) प्रतियोगिताका लागि अष्ट्रेलिया प्रस्थान गरेका छन् ।

सन्दीपले बुधबार सामाजिक संजालमार्फत अष्ट्रेलिया प्रस्थान गरेको जानकारी गराएका छन् ।

बीबीएल क्लब होबर्ट हुरिकेन्समा अनुबन्धित सन्दीप लगातार दोस्रो सिजन खेल्न त्यसतर्फ प्रस्थान गरेका हुन् ।

५ डिसेम्बरबाट सुरू हुने लिगमा होबर्ट हुरिकेन्सले पहिलो खेल सिड्नी सिक्सर्ससँग रहेको छ । लिगमा आठ टिमको सहभागिता रहेको छ ।

सन्दीपले बीबीएल लिगमा कुल १९ खेल खेल्दा ३४ विकेट लिएका छन् ।