एजेन्सी। चीनको प्रख्यात साइबर सुरक्षा कम्पनीहरू मध्ये एक एन्टी ल्याब्सद्वारा प्रकाशित नयाँ रिपोर्टले सक्रिय ह्याकर टोलीको खुलासा गरेको छ।

जसका सदस्यहरू दिल्लीमा रहेका छन् । उक्त समूहले चीन र पाकिस्तानका सरकारी एजेन्सीहरू तथा रक्षा विभागहरूविरुद्ध साइबर आक्रमणहरू सुरु गरिरहेका छन्।

प्रतिवेदनले दक्षिण एसियामा  बेबी एलिफन्ट नामक संस्थाले सुरु गरेको साइबर आक्रमणको विस्तृत विश्लेषण गरी यसको लक्ष्य, प्रविधि र उपकरणको खुलासा गरेको छ ।

कम्पनीका उपप्रमुख इन्जिनियर ली बोसोङले शुक्रबार ग्लोबल टाइम्सलाई  उनीहरूले पहिलो पटक २०१७ मा “बेबी एलिफन्टका गतिविधिहरू पत्ता लगाएको वताएका थिए। त्यतिखेर दक्षिण एसियाली देशहरूको सरकार, सेना र रक्षा विभागहरूमा ठूलो मात्रामा लक्षित साइबर आक्रमणहरू फेला परेपरेको थियो ।

उनीहरुको गतिविधिको विश्लेषणका आधारमा उक्त समूह भारतको रहेको आशंका गरिएको छ। तर, ‘सेतो हात्ती’ नामक भारतको अर्को ह्याकर समूह जस्तो नरहेको पाइएको छ ।

भारतीय समूहले नेपाल, पाकिस्तान र अफगानिस्तानमा पनि साइबर आक्रमण गरिरहेका छन् ।