काठमाडौं । शहीद स्मारक ‘ए’ डिभिजन लिग फुटबलमा शनिबार २ खेल हुँदैछ। आजको पहिलो खेलमा हिमालयन शेर्पा क्लब र संकटा क्लबबीच प्रतिस्पर्धा हुनेछ। दोस्रो खेलमा थ्रि स्टार र च्यासल युथ क्लब भिड्दैछन्।

हिमालयन शेर्पा र संकटाबीचको खेल त्रिपुरेश्वरस्थित दशरथ रंगशालामा दिउँसो १ बजे सुरु हुनेछ। हिमालयन शेर्पा विश्वास श्रेष्ठको कप्तानीमा मैदान उत्रनेछ। संकटाको कप्तानी रबि सिलवालले गर्ने छन्।

थ्री स्टार र च्यासलबीचको खेल ४ः४५ बजे सुरु हुनेछ। थ्री स्टार बिक्रम लामाको कप्तानीमा मैदान उत्रने छ भने च्यासलको कप्तानी बिराज महर्जनले गर्ने छन्। लिगमा ‘ए’ डिभिजनका १४ क्लबले प्रतिस्पर्धा गरिरहेका छन्। लिगको उद्घाटन खेलमा सातदोबाटो युथ क्लब र फ्रेण्ड्स क्ल बबीच गोलरहित बराबरी भएको थियो।