काठमाडौं । सर्वाधिक कर तिरे बापत आन्तरिक राजश्व कार्यालयले स्याकार इन्भेस्टमेन्ट कम्पनीलाई सम्मानित भएको छ ।

कम्पनीले आन्तरिक राजस्व कार्यालय ठमेल, काठमाडौंमा सर्वाधिक आयकर दाखिला गरे वापत आन्तरिक राजश्व कार्यालयलले कर दिवसको अवसरमा स्याकार इन्भेस्टमेन्टलाई सम्मानित गरेको हो ।

सरकारले सम्मान गरेकोमा कम्पनीले कृतज्ञता ज्ञापन गर्दै धन्यवाद दिएको छ। आन्तरिक राजश्व विभाग र विभाग अन्तर्गतका विभिन्न कार्यालयले आफू मातहतमाका करदाता मध्ये सबैभन्दा बढी कर तिर्नेलाई सम्मान गर्दै आएको छ ।

‘अभिवृद्धि शुसासन विकास र समृद्धि’ मूल नाराका साथ दशौं राष्ट्रिय कर दिवस २०७८ को उपलक्ष्यमा आयोजित स्वेच्छिक कर सहभागितामा स्याकार इन्भेस्टमेन्ट कम्पनी सम्मानित भएको हो ।

मूल्य अभिवृद्धि कर लागु भएको दिन मङ्सिर १ गतेलाई कर दिवसको रुपमा मनाईदै आएको छ ।