काठमाडौं । गायिका प्रविशा अधिकारीले विवाह गर्ने भएकी छिन्। उनले झापा चारपानेका निर्माण सिटौलासँग बिहे गर्न लागेकी हुन्।

उनीहरुको विवाह प्रविशा मंसिर ५ गते झापामै हुने छ। निर्माणसँग प्रविशाले मागी विवाह गर्न लागेकी हुन्। पेसाले इन्जिनियर रहेका निर्माण अमेरिका निवासी हुन्।

प्रविशाले दुवै परिवारको सहमतीमा निर्माणसँग बिहे गर्न लागेको जानकारी दिएकी छिन्। प्रविशा पछिल्लो समयकी चर्चित गायिका हुन्। चलचित्र र आधुनिक गरेर उनले थुप्रै गीतमा स्वर दिएकी छन्।

प्रविशा केही दिन अगाडिबाट सुरु भएको रियालिटी शो ‘द भ्वाइस किड्स’ मा जर्जको रुपमा कार्यरत छिन्।