काठमाडौं । पछिल्लो २४ घण्टामा देशभर थप ४ सय १६ जनामा कोरोना सङ्क्रमण पुष्टि भएको छ भने सोही अवधिमा २७०  जना सङ्क्रमणमुक्त भएका छन्।

स्वास्थ्य तथा जनसंख्या मन्त्रालयका अनुसार ७ हजार ५५४ पीसीआर परीक्षणमा ३६७ र ४  हजार ८४८ एन्टिजेन परीक्षणमा ४९ जना गरी ४१६ जनामा संक्रमण पुष्टि भएको हो ।

पछिल्लो २४ घण्टामा जम्मा १२ हजार ४०२ जनाको कोरोना परीक्षण गरिएको मन्त्रालयले जनाएको छ ।

यस्तै, मन्त्रालयका अनुसार हाल देशभर ७ हजार ३११ जना सक्रिय सङ्क्रमित रहेका छन् । नेपालमा निको हुने दर ९७.७ प्रतिशत रहेको छ ।

त्यस्तै, कोरोना सङ्क्रमणबाट थप १ जनाको मृत्यु भएको छ । हालसम्म देशमा कोभिड–१९ बाट ज्यान गुमाउनेको सङ्ख्या ११ हजार ४७८ को पुगेको छ ।

देशभर पछ्ल्लो २४ घण्टामा थप ७४ हजार ४५२ जनाले कोरोनाविरुद्धको खोप लगाएका छन् ।