एजेन्सी । दक्षिणपश्चिम मालीमा भएको आतङ्कवादी हमलामा चार सैनिकको मृत्यु भएको छ । साथै एक दर्जनभन्दा बढी घाइते भएको त्यहाँको सेनाले जनाएको छ।

सशस्त्र आतङ्ककारीहरूको समूहले आइतबार दिउँसो कौलिकोरो क्षेत्रस्थित सुरक्षा चौकीमा आक्रमण गरेको माली सशस्त्र बल (एफएएमए) ले जारी गरेको विज्ञप्तिमा उल्लेख छ।

विज्ञप्तिका अनुसार प्रारम्भिक अनुसन्धानमा चार सैनिक मारिएका छन् भने अन्य १४ जना घाइते भएका छन् ।

त्यसैगरी आक्रमणकारीतर्फ छ जना मारिएका छन्।

घाइते सैनिकहरूमध्ये तीन जनालाई हेलिकप्टरद्वारा घटनास्थलबाट बाहिर निकालिएको सेनाले जनाएको छ।