काठमाडौं । महानगरीय प्रहरी प्रभाग कोटेश्वरले १ थान एयर गनसहित एक जनालाई पक्राउ गरेको छ।

पक्राउ पर्नेमा कैलाली घर भइ काठमाडौँ थापाथली बस्ने २१ बर्षीय जितेन्द्र नाथ रहेका छन्।

नाथलाई शनिबार महानगरीय प्रहरी प्रभाग कोटेश्वरबाट खटिएको प्रहरीले थापाथलीबाट पक्राउ गरेको हो।

प्रहरीका अनुसार नाथले कोठामा अवैध हातहतियार लुकाई राखेको भन्ने सूचनाको आधारमा खटिएको टोलीले उनको कोठा तलासी गर्दा उक्त गन फेला परेको हो।

पक्राउ परेका नाथमाथि थप अनुसन्धान भइरहेको प्रहरीले जनाएको छ।