एजेन्सी । भारतीय क्रिकेट टोलीका खेलाडी विराट कोहली र अभिनेत्री अनुष्का शर्माकी छोरीलाई धम्की दिने व्यक्ति पक्राउ परेका छन्।

आरोपीलाई मुम्बई पुलिसको साइबर सेलले पक्राउ गरेको हो।

सुत्रका अनुसार पक्राउ पर्नेमा रामनागेश श्रीनिवास अकुबाथिनी रहेका छन्।

उनको उमेर २३ वर्ष रहेको बताइएको छ। उनलाई हैदराबादबाट पक्राउ गरिएको हो।

आइसिसि टी–२० विश्वकपमा भारतले हार बेहोरेपछि विराटकी छोरी वामिकालाई बलात्कार गर्ने धम्की दिइएको थियो।

अपशब्द प्रयोग गर्दै आरोपीले गाली गरेका थिए। पक्राउ परेका व्यक्तिले वामिकाको बलात्कार गर्ने धम्की दिएका थिए।