जनकपुरधाम । छाेरा जन्माउन नसकेकाे भन्दै श्रीमानले आफ्नै श्रीमतीको हत्या गरेका छन् ।

पीडित परिवारका अनुसार धनुषाको सबैला नगरपालिका-३ का ३५ वर्षीय लालबाबु साफीले ३० वर्षीया श्रीमती अजमेरी खातुनको घाँटी थिचेर हत्या गरेका हुन्।

१३ वर्षअघि प्रेम विवाह गरेकी अजमेरीलाई लामो समयदेखि छोरा नजन्माएकाे र दाइजोकाे विषयलाई श्रीमानका परिवारले टचर दिँदै आएको पीडित परिवारको आरोप छ।

यस बिषयमा इलाका प्रहरी कार्यालय सबैलाले भने आरोपित साफीलाई नियन्त्रणमा लिई अनुसन्धान भइरहेको जनाएको छ।

पीडित परिवारका सदस्यहरुले प्रहरीले दोषी पक्राउमा चासाे नदेखाएको आरोप लगाएको छ।