काठमाडौं । नेपालका ४ ए डिभिजन क्लबले एएफसीको क्लब लाइसेन्स प्राप्त गरेका छन्।

यससँगै ती क्लबहरुले एएफसीको मातहतमा हुने अन्तर्राष्ट्रिय प्रतियोगिता खेल्न पाउने भएका छन्।

एन्फाले एक विज्ञप्ति जारी गर्दै फर्स्ट इन्स्ट्यान्ट बडीले ४ क्लबलाई लाइसेन्स दिएको जनाएको छ । गत सिजन लाइसेन्स प्राप्त गरेको त्रिभुवन आर्मी फुटबल क्लबसँगै मच्छिन्द्र फुटबल क्लब, मनाङ मर्स्याङ्दी क्लब र नेपाल एपीएफ फुटबल क्लबले क्लब लाइसेन्स पाएका हुन्।