काठमाडौं ।  पछिल्लो २४ घण्टामा थप ४४७ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालय जनाएको छ।

मन्त्रालयका अनुसार ६ हजार ५७७ पीसीआर परीक्षणमा ३९५ जना र ३ हजार ३३६ एन्टिजेन परीक्षणमा ५२ जना गरी ४४७ जनामा संक्रमण पुष्टि भएको हो ।

मन्त्रालयका अनुसार पछिल्लो २४ घण्टामा कोरोना संक्रमणका कारण ७ जनाको मृत्यु भएको छ भने सोही अवधिमा ४३९  जना संक्रमणमुक्त भएका छन् ।

हाल देशभर कोरोना भाइरसको सक्रिय संक्रमितको संख्या ९ हजार १२३  जना रहेको पनि मन्त्रालयले जनाएको छ ।