एजेन्सी । बलिउड अभिनेत्री दीपिका पादुकोण गर्भवती भएको समाचार सार्वजनिक भएको छ ।

पछिल्लो समय दीपावलीलाई लक्षित गर्दै रिलिजको तयारीमा रहेको बलिउड फिल्म ‘सूर्यवंशी’ को प्रमोसनका क्रममा यस कुरा बाहिर आएको हो । तर, यसबारे दीपिकाले भने कुनै प्रतिक्रिया दिएकी छैनन्।

‘सूर्यवंशी’ को प्रमोसनका क्रममा निर्देशक रोहित शेट्टीले रणवीर सिंह पिता बन्दैछन् भनेका थिए । त्यसपश्चात रणवीर पत्नी दीपिका गर्भवती भएको सबैले सहजै अनुमान लगाएका थिए ।

रोहितले भनेको यो कुराले यतिबेला बी-टाउनमा राम्रै चर्चा पाइरहेको छ । रणवीरले अभिनेत्री दीपिकासँग सन् २०१८ मा विवाह गरेका थिए ।