वीरेन्द्रनगर । कर्णाली प्रदेशका मुख्यमन्त्री महेन्द्रबहादुर शाहीले राजीनामा दिएका छन्। शाहीले सोमबार राजीनामा दिएका हुन्।

शाहीले पद सम्हालेको ३ वर्ष ८ महिनापछि राजीनामा दिएका हुन्। नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टीलगायतका दलको गठबन्धनको सहमति र आग्रहअनुसार जिम्मेवारीबट बिदा लिएको बताइएको छ।

गठबन्धनमा मुख्यमन्त्री अब नेपाली कांग्रेसले लिने सहमति भएको छ। सोमबार मुख्यमन्त्री शाहीले कर्णालीबासीका नाममा सम्बोधन गर्दै आफ्नो सरकारले गरेका कामको विवरण प्रस्तुत गरे र राजीनामा घोषणा गरेका थिए।

मुख्यमन्त्री शाहीले नेपाली कांग्रेसको नेतृत्वमा सरकार गठनका लागि आफूले राजीनामा दिएको बताए। इमानको राजनीति गर्ने मान्छे भएकाले समहतिअनुसार पद त्यागेको उनको भनाई छ।