एजेन्सी। पाकिस्तानका प्रधानमन्त्री इमरान खान साउदी अरबका राजकुमार मोहम्मद बिन सलमानको निमन्त्रणामा रियादमा आयोजना हुने मध्यपूर्व हरित पहल (एमजीआई) शिखर सम्मेलनमा सहभागी हुन गएका छन् ।

सोमबार यस शिखर सम्मेलनको उद्घाटन समारोहलाई सम्बोधन गर्दै इमरान खानले साउदी अरबको कडा प्रशंसा गरेका थिए। तर यी सबै बाहेक रियादमा रहेको पाकिस्तान–साउदी लगानी मञ्चलाई सम्बोधन गर्ने क्रममा पाकिस्तानी क्रिकेट टोलीका पूर्व कप्तान समेत रहेका  खानले टी–२० विश्वकपको समूह खेलमा भारतविरुद्धको ठूलो जितको खुसी लुकाउन सकेनन् ।

फोरमलाई सम्बोधन गर्दै इमरान खानले भने, ‘विश्वका दुई ठूला बजार हाम्रा छिमेकी हुन् र अफगानिस्तान हुँदै मध्य एसियाको बजारमा पनि हाम्रो पहुँच छ।’ इमरान खानले चीन र भारतलाई दुई ठूला बजारको रूपमा उद्धृत गर्दै  भने, ‘चीनसँग हाम्रो सम्बन्ध राम्रो छ, तर भारतसँग पनि सम्बन्ध सुधार गर्नुपर्ने आवश्यकता छ । हिजो राति क्रिकेट खेलमा पाकिस्तानसँग भारतले नराम्रो हार बेहोरेको छ, त्यसैले अहिले भारतसँग सम्बन्ध सुधार्न वार्ता गर्ने उपयुक्त समय होइन ।

इमरान खानको यो टिप्पणी पाकिस्तानले भारतविरुद्धको ऐतिहासिक जितपछि आएको हो । विश्वकप क्रिकेटमा पाकिस्तानले अक्टोबर २४ मा भारतलाई पहिलो पटक हराएको थियो।

इमरान खानले अफगानिस्तानलाई टि-२० विश्वकपको समूह खेलमा सोमबार स्कटल्याण्डमाथि १३० रनको रोमाञ्चक जित हासिल गरेकोमा बधाई दिएका छन्। इमरान खानले ट्विट गर्दै भनेका छन्, ‘स्कटल्याण्ड विरुद्धको बलियो जितका लागि अफगानिस्तान टोलीलाई बधाई । सबै कठिनाइका बाबजुद अफगानिस्तानका खेलाडीले ठूलो जित दर्ता गरेका छन् ।’

अफगानिस्तानले स्कटल्याण्डलाई १९१ रनको लक्ष्य दिएको थियो तर १० दशमलव २ ओभरमा ६० रन मात्रै समेटेर पूरा टिम आउट भएको थियो ।

LIVE #APPNews : Prime Minister Imran Khan addressing launching ceremony of "Middle East Green Initiative Summit" in Riyadh #SaudiGreenInitiative #PMIKinKSA @PakPMO https://t.co/ZZXXjMO2hT

— APP ?? (@appcsocialmedia) October 25, 2021