काठमाडौं । पछिल्लो २४ घण्टामा १० हजार ६८८ जनाको पीसीआर परिक्षण गर्दा ७६४ जनामा कोरोना भाइरसको संक्रमण पुष्टि भएको छ । जसमा ९ हजार ४६६ जनाको पीसीआर विधिबाट र १ हजार २२२ जनाको एन्टीजेन परीक्षण बिधिबाट परीक्षण गरिएको छ ।

स्वास्थ्य तथा जनसंख्या मन्त्रालयका अनुसार शुक्रबार १ हजार ३३ संक्रमित निको भएर घर फर्किएका छन् ।

यस्तै, मन्त्रालयका अनुसार संक्रमणबाट पछिल्लो २४ घण्टामा १० जनाको मृत्यु भएको छ । अहिलेसम्म कोरोनाको संक्रमणबाट नेपालमा ११ हजार २१० जनाको मृत्यु भएको छ।

यसअघि हिजो बिहीबार ८०५ जनामा संक्रमण पुष्टि हुँदा ८ जनाको मृत्यु भएको थियो।