चितवन । जिल्लाको रत्ननगर नगरपालिका-१५ स्थित अमर टोल विकास संस्थाको अध्यक्षमा ऋषिराम खनाल चयन भएका छन् ।

नगरपालिका वडाध्यक्ष हुमानाथ लामिछानेको अध्यक्षतामा सम्पन्न संस्थाको बैठकले खनाललाई सर्वसम्मत रुपले अध्यक्षमा चयन गरेको हो । यस्तै, उक्त टोलको उपाध्यक्षमा नानीमैयाँ पन्त र सचिवमा ज्ञानेन्द्र खनाल चयन भएका छन्।

समितिले टोलभित्र शान्ति सुरक्षा कायम गराउन, सरसफाई राख्न तथा टोलमा रहेका मानिसहरुको वृति र विकासका लागि उल्लेख्य कदम चाल्ने अध्यक्ष खनालको भनाइ छ।

साथै, यस संस्थाले गत शनिबार सोही टोलमा सरसफाई अभियान समेत गरेको टोलका अध्यक्ष खनालले जानकारी दिए।