काठमाडौं । पछिल्लो २४ घण्टामा थप १ हजार ३३० जनामा कोरोना भाइरस संक्रमण पुष्टि हुँदा १ हजार ८३० जना संक्रमणमुक्त भएका छन् भने ५ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ९ हजार ६२६ जनाको पीसीआर परीक्षणमा १ हजार १३६ र ३ हजार ९९६ को एन्टिजेन परीक्षणमा २९४ जना गरी १,३३० जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ८६ हजार ५७७ जना पुगेको छ ।

जसमध्ये २० हजार १६४ जना होम आइसोलेसनमा र १ हजार ३६० जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म ११ हजार ०५३ जनाको मृत्यु भएको छ ।

यसअघि हिजो सोमबार १,०९५ जना संक्रमित थपिँदा ८ जनाको मृत्यु भएको थियो भने  २,९५७ जना डिस्चार्ज भएका थिए।