काठमाडौं । सशस्त्र प्रहरीको विशेष टोलीले लोड गरिएको पेस्तोलसहित लुटेरा समूहका खुंखार नाइकेलाई पक्राउ गरेको छ । सशस्त प्रहरीको टोलीले आज स्वयम्भू छाउनीबाट काठमाडौ तारकेश्वर–३ का सोनाम लामा तामाङलाई पेस्तोल र मोटरसाईकलसहित पक्राउ गरेको हो ।

चोरी लुटपाटमा पटक–पटक पक्राउ परेर रिहा हुँदै आएका तामाङ पछिल्लो समय फरार सूचीमा थिए । प्रहरीले तामाङको साथबाट ५ राउण्ड गोली लोड गरिएको अटोमेटिक जर्मन पेस्तोल र बा ४९ प ७८६५ नम्बरको मोटरसाइकल बरामद गरेको छ ।

तामाङ समूहमा रहेका अरुको पनि खोजी भइरहेको प्रहरीले जनाएको छ । प्रहरी अनुसन्धानमा तामाङको समूहले लुटपाटको योजना बनाइरहेको पनि खुलेको छ । तामाङको समूहमा रहेका अन्य व्यक्तिको खोजी भइरहेको प्रहरीले जनाएको छ ।