काठमाडौं । पछिल्लो २४ घण्टामा थप १ हजार १४६ जनामा कोरोना भाइरस संक्रमण पुष्टि हुँदा १ हजार ६६० जना संक्रमणमुक्त भएका छन् भने २१ जनाको मृत्यु भएको छ ।

स्वास्थ्य तथा जनसंख्या मन्त्रालयका अनुसार ८ हजार ५९४ जनाको पीसीआर परीक्षणमा ९६१ र २ हजार ३६७ को एन्टिजेन परीक्षणमा १८५ जना गरी १ हजार १४६ जनामा संक्रमण पुष्टि भएको हो ।

हालसम्म नेपालमा कोराना संक्रमितको संख्या ७ लाख ७५ हजार ५४८ जना पुगेको छ ।

जसमध्ये २६ हजार २९६ जना होम आइसोलेसनमा र १ हजार ६६२ जना संस्थागत आइसोलेसनमा रहेका छन् । त्यस्तै कोरोना संक्रमणका कारण हालसम्म १० हजार ९२४ जनाको मृत्यु भएको छ ।