एजेन्सी। अमेरिकी राष्ट्रपति जो बाइडेन र चिनियाँ समकक्षी सी जिनपिङबीच ७ महिनापछि कुराकानी भएको छ ।

आपसी हित र रणनीतिक साझेदारी’ विषयमा दुई राष्ट्रपतिबीच छलफल भएको ह्वाइट हाउसले जनाएको छ ।

अमेरिकी राष्ट्रपति बाइडेनले दुई देशबीच विभिन्न क्षेत्रमा रहेको प्रतिस्पर्धालाई व्यवस्थित ढंगले अगाडि बढाउने बताएका थिए ।

बाइडेनले राष्ट्रपतिको पद सम्हालेपछि सीसँग कुरा गरेको यो दोस्रो पटक हो ।

कोरोना महामारी, व्यापार र जासुसीका विषयलाई लिएर अमेरिका र चीनबीच लफडा चलिरहेको छ । दुवैले एकअर्कालाई आरोप लगाउँदै आएका छन्  ।

चीनले अमेरिकामाथि ‘चीनमाथि आक्रमण’ का लागि विभिन्न देशलाई उक्साएको आरोप लगाउने गरेको छ भने अमेरिकाले अन्य देशको ध्यान आफूतर्फ तान्न उक्त आरोप लगाएकोदाबी गरेको छ ।