धनगढी । नेपाल कम्युनिष्ट पार्टी (नेकपा) एमालेबाट सुदूरपश्चिम प्रदेश सरकारमा सहभागी भएका दुई जना मन्त्रीले राजीनामा दिएका छन् ।

मंगलबार एमाले संसदीय दलका नेतासमेत रहेका आर्थिक मामिला तथा योजना मन्त्री प्रकाशबहादुर शाह र राज्यमन्त्री अर्चना गहतराजले पदबाट राजीनामा दिएका हुन् ।

विगतमा माधव नेपाल पक्षमा रहेका शाह र गहतराज पार्टी विभाजनपछि एमालेमै रहेका छन् ।  शाह ५ फागुन २०७४ मा तत्कालीन नेकपा नेतृत्वको सरकारमा आन्तरिक मामिला तथा कानून मन्त्रीमा नियुक्त भएका थिए ।

राज्यमन्त्री गहतराज गत जेठमा मात्रै नियुक्त भएकी थिइन् ।