काठमाडौं । नेपाल-भारतविरुद्धको पहिलो मैत्रीपूर्ण खेल सुरु भएको छ। खेल अहिले साँझ साँढे ५ बजेबाट दशरथ रंगशालामा सुरु भइसकेको छ ।

माल्दिभ्समा आयोजना हुने साफ च्याम्पियनसिपको तयारीका लागि नेपालले भारतसँग दुई मैत्रीपूर्ण खेल खेल्न लागेको हो । नेपाल र भारतबीचको दोस्रो खेल आइतबार हुनेछ।

फिफा वरीयतामा भारत नेपालभन्दा माथि रहेको छ । पछिल्लो वरीयतामा भारत १ सय ५ औं स्थानमा रहेको छ । नेपाल १ सय ६८ औं स्थानमा रहेको छ।

नेपालको राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरीले भारतसँग हुने दुवै खेल जित्ने लक्ष्य रहेको बताएका छन्। करिब ६ हजार घरेलु दर्शकमाझ खेलेको नेपाललाई इतिहास रच्ने सुनौलो अवसर रहेको छ।

नेपाली टिम :

गोलकिपर- किरण चेम्जोङ

डिफेन्डर – दिनेश राजवंशी, अनन्त तामाङ, गौतम श्रेष्ठ, सुमन अर्याल

मिडफिल्डर – पुजन उपरकोटी, तेज तामाङ, सुमन लामा

फरवार्ड – नवयुग श्रेष्ठ , आयुष घलान, अन्जन विष्ट