काठमाडौं । नेपालको चर्चित हास्यव्यंग कमेडी रियालिटी शो ‘कमेडी च्याम्पियन २’ बाट हिक्मत महरा बाहिरिएका छन् ।

बुधबार कमेडी च्याम्पियनको उत्कृष्ट तीनको प्रस्तुतिको सुटिङ भएको थियो । जसमा उनी सहभागी नभएसँगै बाहिरिएको बुझिएको छ।

आजको सुटिङमा हाँस्यकलाकारद्वय दीपकराज गिरी र दीपाश्री निरौला उपस्थित भएका थिए । सुटिङमा सहभागी भएपछि बाहिरिएका उनीहरुले आजको प्रस्तुतिमा भरतमणि पौडेल, विक्की अग्रवाल र सन्तोष थापा मात्रै उपस्थित रहेको र उनीहरुले प्रस्तुति दिएको बताए।

चार प्रतिस्पर्धीमध्ये भरतमणि पहिले नै फाइनलमा पुगिसकेका थिए भने भोटका आधारमा अग्रवाल र थापा उत्कृष्ट तीनमा पुगेका हुन् ।

सूदुरपश्चिमबाट प्रतिनिधित्व गर्दै आएका महरालाई माओवादी केन्द्रकी नेत्री तथा पूर्वमन्त्री बिना मगरले समेत भोट मागेकी थिइन्।

अर्को पनि पढ्नैपर्ने

क्यारिकेचरको चर्चापछि भरतमणीको गेटअप नै चेन्ज, पूर्व युवराज बन्दा युट्युवको ट्रेन्डिङमा