एजेन्सी – बिग बोस ओटीटी बलिउडमा चर्चाको विषय बनिरहेको छ। त्यहाँ प्रतिस्पीधीले विचित्रको हर्कत देखाउँछन् जसका कारण कहिले प्रशंसा कमाउँछन् त कहिले गालीको वर्षा भेट्छन्।

उक्त शोमा एक जोडी निकै हिट छ। त्यो जोडी अभिनेत्री शिल्पा शेट्टीकी बहिनी शमिता शेट्टी र राकेश बापतको हो। उनीहरुको जोडीलाई धेरैले मन पराएका छन्। अहिले उनीहरु फेरि एकपटक चर्चाको शिखरमा छन्।

शमिता र राकेशको केमेस्ट्रिले धेरैको ध्यान खिचेको छ। यो वर्षको बिग बोस ओटीटीमा राकेश र शमिताको एकअर्काबीचको कनेक्शन निकै चर्चामा छ। राकेशले शमितालाई निकै ख्याल गर्ने गर्छन्।

शोको नयाँ प्रोमो सार्वजनिक भएको छ। जसमा शमिता शेट्टीले राकेशलाई गालामा चुम्बन गर्न आग्रह गरिरहेकी छन्। शमिताको उक्त आग्रहलाई राकेशले स्वीकार गरेका छन्। त्यतिमात्र हैन उनले यसका लागि सधैँ तयार रहेको पनि बताएका छन्।

प्रोमोको भिडियोमा शमिता खाना खाइरहेकी हुन्छिन्। त्यहीँ राकेश माइक्रोवेभमा खाना तताइरहेका हुन्छन्। त्यहाँ शमिता भन्छिन्, ‘खाना पूरै तातो नबनाउ, नत्र खेर जान्छ।’ जवाफमा राकेश भन्छन्, ‘अरु केही ?’

राकेशको जवाफपछि शमिताले केहीबेर राकेशलाई घुरेर हेर्छिन्। त्यसपछि भन्छिन्, ‘तिमीलाई केही समस्या छ ? म यस्तो गर्दिन।’ त्यसपछि राकेशले केही समस्या नभएको बताउँछन्। र, अरु पनि केही भन्न मन लागे भन भनेर आग्रह गर्छन्।

त्यसपछि मुस्कुराउँदै शमिता शेट्टी भन्छिन्, ‘यता आउ, र मलाई अहिले नै चुम्बन गर।’ राकेशले शमितको प्रस्तावलाई तत्काल स्वीकार गर्छन्। उनी शमितातिर जान्छन् उनी उनलाई चुम्बन गर्छन्।